Care of Child fever (Chinese Version only)

發燒的護理
 
發燒的護理
旁白:呢個短⽚片系想介紹下小朋友發燒同埋護理方法。
 
究竟乜野係發燒呢?
旁白:發燒即係身體溫度比正常高,係一種生病嘅徵狀,亦可能係接受免疫注射後嘅一種反應,表示身體嘅免疫系統正常操作,對抗外來嘅病菌。
 
咁幾多度先為之正常體溫?
旁白:常用的耳探嘅正常溫度係攝氏 35.8 至 38 度。
 
護理方法
旁白:除咗依照醫生嘅治療同處方之外,依循正確嘅方法嚟護理發燒嘅小朋友都好重要家。
 
1. 量度體溫
旁白:如果想確定小朋友有無退熱,可以每隔四小時同佢量體溫。
 
《播放影片》
旁白:以下示範點樣用紅外線耳溫計量體溫
旁白:每次使⽤用前都要套上新嘅護套。探熱時要將⽿耳道拉直,一歲以下嘅兒童將⽿耳朵向後拉直,一歲以上嘅兒童就要將耳朵向後及向上拉直,然後將耳溫計放⼊入⽿耳道,等候量度嘅結果。
 
2. 按醫生指示服用退燒藥
旁白:如果小朋友體溫超過正常溫度,佢睇落⼜又唔舒服,就可以考慮按醫生嘅指示,隔 4 至6 小時餵佢食退燒藥。由於過量服用退燒藥會對身體有害,所以無論係服用次數、分量同服用嘅方法都必需依從醫生嘅處方。
 
3. 適量衣服
旁白:小朋友發燒時,幫佢著適量嘅衣服就可以,以免過熱或過涼。
 
4. 保持室內空氣流通
旁白:可以打開窗、開冷氣或者用風扇令空氣流通,令小朋友舒服啲。
 
5. 補充水分
旁白:發燒出汗會令身體失去水分。所以需要俾小朋友補充適量嘅水分。
 
如果你發現小朋友出現抽搐、身上面有紅疹無精神、唔願進食、持續發燒、有脫水嘅現象、或者你覺得擔憂不安,就應該立即再送佢去醫生處治癒。